"Şamaxı" - "Qaradağ Lökbatan" 2:2
Cümə axşamı, 14 Mart 2024 17:43
I Liqada XVIII turun oyunlarına start verilib. "Şamaxı" bu turda doğma meydanda "Qaradağ Lökbatan"ı qəbul edib. 4 qolun vurulduğu matçda qalib müəyyənləşməyib 2:2.
13 mart
"Şamaxı" - "Qaradağ Lökbatan" - 2:2
Qollar: Elşad Tağıyev, 64, Salman Ələsgərov, 82 - Xəyal Bəşirov, 38, Rayan Guibero, 72
3 komandamızdan qələbə
Bazar, 10 Mart 2024 13:52
Aşağı yaş qrupları üzrə komandaların çempionatlarında növbəti turun oyunları keçirilib. Şamaxı şəhər stadionunda keçirilən qarşılaşmalarfa 3 komandamız meydana çıxıb. U-11 komandamız “Kürdəmir”i, U-12 komandamız “İsmayıllı”nı məğlub edib. U-13 komandamız da Kürdəmirin eyniadlı təmsilçisini 8 cavabsız topla məğlub edib.
Komandamız Yevlax səfərindən qələbə ilə qayıtdı
Cümə, 08 Mart 2024 09:16
I Liqada XVII turun oyunlarına yekun vurulub. Komandamız səfərdə “Karvan”ın qonağı olub. Qarşılaşmaya sürətli başlatan futbolçularımız 13-cü dəqiqədə Səbayıl Bağırovla hesabı açıb, 26-cı dəqiqədə Bəhruz Teymurov növbəti dəfə meydan sahiblərini meydanın mərkəzinə dəvət edib, bu qoldan sonra Cəlal Cəbrayılov komandamızın üçüncü qolunu vurub. 38-ci dəqiqədə Abbas Ağazadə ilk hissənin hesabını müəyyənləşdirib 4:0. Oyunun sonlarına yaxın Emin Zamanov və Bəhruz Teymurovla daha iki dəfə fərqlənən “Şamaxı” səfərdən 6:0 hesablı qələbə ilə qayıdıb.
3 komandamızdan qələbə
Bazar ertəsi, 04 Mart 2024 16:39
Aşağı yaş qrupları üzrə komandaların çempionatlarında növbəti turun oyunları keçirilib. Növbəti oyunlarına çıxan 3 komandamız qələbə qazanıb. U-11 komandamız “Dəmir Yumruq”, U-12 komandamız “Çinar” komandasını məğlub edib. U-13 komandamız da “Çinar” üzərində 8:0 hesablı qələbə qazanıb.
"Şamaxı" - "Zaqatala" 1:1
Cümə axşamı, 29 Fevral 2024 00:04
I Liqada XVI turun oyunlarına start verilib. Komandamız bu turda Şamaxı şəhər stadionunda "Zaqatala"nı qəbul edib. Oyuna sürətli başlayan futbolçularımız matçın 13-cü dəqiqəsində Səbayıl Bağırovun baş zərbəsi ilə hesabı açıb. "Şamaxı" daha bir neçə dəfə fərqlənməyə yaxın olsa da, bu şanslardan istifadə edə bilməyib. Əvəzində "Zaqatala" oyunun əsas vaxtına əlavə edilmiş 4-cü dəqiqədə hesabı bərabərləşdirib və qarşılaşma 1:1 hesabı ilə başa çatıb.
“Şamaxı” – “Zaqatala” - 1:1
Qollar: Səbail Bağırov, 13 (1:0), Nicat Oruclu, 90+4 (1:1)
Xocalı faciəsindən 32 il ötür
Bazar ertəsi, 26 Fevral 2024 00:37
Xocalı soyqırımından 32 il ötür
1992-ci il fevralın 25-dən 26-na keçən gecə erməni hərbi birləşmələri Rusiyanın 366-cı motoatıcı alayının köməyi ilə Xocalı şəhərinə hücum edib. Erməni təcavüzkarlarının Azərbaycan xalqına qarşı törətdiyi növbəti kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib.
3 komandamızdan qələbə
Bazar ertəsi, 26 Fevral 2024 00:33
Aşağı yaş qrupları üzrə komandaların ölkə çempionatlarında növbəti turun oyunları keçirilib. Şamaxı şəhər stadionunda keçirilən turda 3 komandamız meydana çıxıb. U-11 komandamız “İsmayıllı”, U-12 komandamız isə “Kürdəmir”dən üstün olub. 13 yaşadək futbolçulardan ibarət komandamız isə İsmayıllının eyniadlı komandasını 10:0 hesabı ilə məğlub edib.
"Difai Ağsu" - "Şamaxı" 0:0
Cümə, 23 Fevral 2024 00:36
I Liqada XV turun oyunları keçirilib. "Şamaxı" səfərdə "Difai Ağsu" ilə qarşılaşıb. Şamaxı şəhər stadionunda keçirilən qarşılaşma qolsuz heç-heçə ilə başa çatıb.Komandamız 15 turdan sonra 29 xalla turnir cədvəlinin lideridir.
İki komandamız qələbə qazandı
Bazar, 18 Fevral 2024 17:30
Aşağı yaş qrupları üzrə komandaların çempionatlarında növbəti turun oyunları keçirilib. Şamaxı şəhər stadionunda keçirilən qarşılaşmalarda iki komandamız qələbə qazanıb.
U-12 komandamız “İsmayıllı”nı məğlub edib. U-13 komandamız da Kürdəmirin eyniadlı komandası üzərində 8 cavabsız topla qalib gəlib.
Komandamız liderliyə yüksəldi
Cümə axşamı, 15 Fevral 2024 22:25
I Liqada cari mövsümün 14-cü turun oyunları keçirilib. Komandamız Şamaxı şəhər stadionunda "İrəvan"ı qəbul edib. Oyuna sürətli başlayan "Şamaxı" 15-ci dəqiqədə Abbas Ağazadə ilə hesabı açıb. Bu qoldan 15 dəqiqə sonra Ramin Əhmədov möhtəşəm zərbə ilə hesabı 2:0 edib. Qarşılaşmanın qalan dəqiqələrində hesab dəyişməyib və komandamız 2:0 hesablı qələbə qazanıb.
Xallarının sayını 28-ə çatdıran "Şamaxı" turnir cədvəlinin liderliyinə yüksəlib.
15 fevral (cümə axşamı)
15:00. “Şamaxı” – “İrəvan” - 2:0
Qollar: Abbas Ağazadə, 14, Ramin Əhmədov, 31
Şamaxı şəhər stadionu
U-15 və U-16 komandalarımız üçün antidopinq maarifləndirmə seminarı keçirilib
Cümə axşamı, 15 Fevral 2024 09:29
3 komandamızdan qələbə
Çərşənbə axşamı, 13 Fevral 2024 21:49
Aşağı yaş qrupları üzrə komandaların ölkə çempionatı davam edir. 3 komandamız növbəti oyunlarına çıxıb. U-11 və U-12 komandalarımız Göyçayın “Çinar” komandasını məğlub edib. Eyni rəqibin 13 yaşlıları ilə qarşılaşan U-13 komandamız da 11:0 hesabı ilə qalib gəlib.
U-15 və U-16 komandalarımıza seminar keçirildi
Bazar ertəsi, 12 Fevral 2024 09:54
Akademiyamızın U-16 və U-15 komandalarımıza oyun qaydaları haqqında seminar keçirilib. Seminarda akademiyamızın rəhbəri, eyni zamanda U-16 komandamızın baş məşqçisi Vəli Qasımov və U-15 komandamızın baş məşqçisi Tərlan İsgəndərov oyun qaydaları haqqda futbolçulara məlumat verib, yeni dəyişikliklərdən bəhs edib. Sonda futbolçuların sualları cavablandırılıb.
Komandamız Mingəçevirdən qələbə ilə qayıdır
Cümə axşamı, 08 Fevral 2024 22:54
I Liqada mövsümün ikinci yarısına start verilib. Cari ilin ilk turunda "Şamaxı" səfərdə "Mingəçevir"in qonağı olub. Komandamız çətin səfərdən 1:0 hesablı qələbə qazanaraq 3 xalla qayıdıb. Yeganə qolumuzun müəllifi matçın 63-cü dəqiqəsində kapitanımız Emin Zamanov olub.
Komandamız 13 turdan sonra xallarının sayını 25-ə çatdırıb.
"Mingəçevir" - "Şamaxı" - 0:1
Qol: Emin Zamanov, 63-pen.
U-11 və U-12 komandalarımız qələbə qazandı
Bazar ertəsi, 05 Fevral 2024 19:57
Aşağı yaş qrupları üzrə komandaların liqalarında növbəti turun oyunları keçirilib. İki yaş qrupu üzrə komandalarımız (U-11 və U-12) Kürdəmirin eyniadlı komandaları ilə qarşılaşıb və hər iki komandamız qələbə qazanıb.
Komandamız növbəti yoxlama oyununu keçirdi
Cümə axşamı, 01 Fevral 2024 18:29
“Şamaxı” qış təlim-məşq toplanışını bu gün keçirdiyi yoxlama matçı ilə yekunlaşdırıb.
Komandamız Şamaxı şəhər stadionunda “Karvan”ı qəbul edib və 2:0 hesablı qələbə qazanıb. Hər iki qolun müəllifi Salman Ələsgərov olub.
Komandamız iki günlük istirahətin ardından I Liqanın XIII turunda qarşılaşacağı “Mingəçevir”lə oyunun hazırlıqlarına start verəcək.
Komandamız “Karvan”la qarşılaşacaq
Bazar ertəsi, 29 Yanvar 2024 16:25
“Şamaxı” qış təlim-məşq toplanışı çərçivəsində daha bir yoxlama oyunu keçirəcək. Komandamız fevralın 1-i, saat 13:00-da Şamaxı şəhər stadionunda “Karvan”la qarşılaşacaq.
Komandamız yoxlama oyunu keçirib
Bazar ertəsi, 29 Yanvar 2024 15:28
Komandamız qış təlim-məşq toplanışını davam etdirir.
“Şamaxı” bu gün təlim-məşq toplanışı zamanı ikinci yoxlama oyununu keçirib. I Liqa təmsilçisi “Araz Saatlı” ilə qarşılaşan komandamız 3:1 hesabı ilə qalib gəlib. Komandamızın heyətində Bəhruz Teymurov, Roman Hüseynov və Emin Zamanov fərqlənib.
Xatırladaq ki, komandamız ilk yoxlama oyununda II Liqa təmsilçisi “Füzuli”ni 5:0 hesabı ilə məğlub etmişdi.
“Şamaxı” “Araz Saatlı” ilə qarşılaşacaq
Cümə axşamı, 25 Yanvar 2024 01:03
“Şamaxı” doğma şəhərdə qış təlim-məşq toplanışını davam etdirir. Komandamız toplanış zamanı daha bir yoxlama oyununu keçirəcək.
Yanvarın 29-da “Şamaxı” öz meydanında digər I Liqa təmsilçisi “Araz Saatlı” ilə qarşılaşacaq. Matç saat 13:00-da start götürəcək.
Xatırladaq ki, ilk yoxlama matçında “Şamaxı” II Liqa təmsilçisi “Füzuli”ni 5:0 hesabı ilə məğlub etmişdi.
Komandamız yoxlama oyunu keçirdi
Bazar, 21 Yanvar 2024 12:57
Komandamız qış təlim-məşq toplanışını davam etdirir.
“Şamaxı” bu gün təlim-məşq toplanışı zamanı ilk yoxlama oyununu keçirib. II Liqa təmsilçisi “Füzuli” ilə qarşılaşan komandamız 5:0 hesabı ilə qalib gəlib. Komandamızın heyətində Ramin Əhmədov, Elşad Tağıyev, Emin Zamanov, Elçin Qasımov və yeni transferimiz Roman Hüseynov fərqlənib.
