“Şamaxı”nın yay hazırlıq planı məlum olub. Təlim-məşq toplanışımız Şamaxıda baş tutacaq və iyulun 1-i start götürəcək.
Komandamız hazırlıq zamanı 4 yoxlama oyunu keçirməyi planlaşdırılır. Rəqiblərin kimliyi, oyunların vaxtı və keçirilmə yeri haqda əlavə məlumat veriləcək.

“Şamaxı” yeni mövsüm heyətini formalaşdırmaq üçün çalışmalarını davam etdirir.

Komandamız yarımmüdafiəçi İlkin Muradovu heyətinə qatıb. Muradovla bir illik müqavilə imzalanıb.

“Şamaxı” yeni mövsüm heyətini formalaşdırmaq üçün çalışmalarını davam etdirir.

Komandamız müdafiəçi Adil Nağıyevi heyətinə qatıb. Nağıyevlə bir illik müqavilə imzalanıb.

Komandamızın məşqçi heyəti müəyyənləşib. Baş məşqçi Ayxan Abbasova məşqçilər Elnur Çodarov, Ceyhun Rzayev, Xəyal Qarayav, Vüsal Qarayev və qapıçı hazırlığı üzrə məşqçi Kamil Qafarov kömək edəcək.

Məşqçi heyətinə uğurlar arzulayırıq.

Komandamızda növbəti ayrılıq baş tutub. Müqaviləsi başa çatan Salman Ələsgərovla yollar ayrılıb.

Müdafiəçiyə göstərdiyi xidmətlərə görə təşəkkür edir, gələcək karyerasında uğurlar arzulayırıq.

Komandamızda növbəti ayrılıq baş tutub. Müqaviləsi başa çatan Roman Hüseynovla yollar ayrılıb.

Yarımmüdafiəçiyə göstərdiyi xidmətlərə görə təşəkkür edir, gələcək karyerasında uğurlar arzulayırıq.

Futbolçumuz Fuad Bayramov “Zirə”yə transfer olub.

Geridə qalan mövsümü icarə əsasında “Zirə”də keçirən Fuad Bayramovun icarə müqaviləsində yer alan bəndə əsasən paytaxt klubu transfer etmək hüququndan yararlanaraq futbolçunu heyətinə qatıb.

Fuad Bayramova “Şamaxı”da göstərdiyi xidmətlərə görə təşəkkür edir, gələcək karyerasında uğurlar arzulayırıq.

“Şamaxı” növbəti mövsüm heyətini formalaşdırmaq üçün çalışmalarını davam etdirir.

Komandamız müqaviləsi başa çatan Abdulla Seydəhmədov ilə yeni müqavilə imzalayıb. Qolkiperlə yeni müqavilənin müddəti bir ildir.

“Şamaxı” Futbol Klubu növbəti mövsümün hazırlıqlarına davam edir.

İdarə heyətinin növbəti iclasında yeni mövsümlə bağlı bir sıra qərarlar qəbul edilib.

İclasda ilk olaraq geridə qalan mövsümdə “Şamaxı”nın 1-ci liqada çempion olmasında baş məşqçi kimi verdiyi tövhəyə görə Ramiz Məmmədova idarə heyətinin üzvləri minnətdarlığını bildirib və komandanın yenidən Premyer Liqaya qayıtmasında onun böyük əməyinin olduğu qeyd edilib.

Müzakirələr nəticəsində Ramiz Məmmədovun idarə heyətinin sədr müavini kimi fəaliyyətinin daha önəmli olduğu nəzərə alınaraq klubun baş məşqçisi kimi başqa çalışdırıcının dəvət edilməsi qərara alınıb.

Komandamızda növbəti ayrılıq baş tutub. Müqaviləsi başa çatan Əli Mürsəlovla yollar ayrılıb.

Hücumçuya göstərdiyi xidmətlərə görə təşəkkür edir, gələcək karyerasında uğurlar arzulayırıq.