Komandamızdan növbəti qələbə
Cümə, 08 Dekabr 2023 00:11
I Liqada X turun oyunlarına yekun vurulub. Bu turda "Şamaxı" səfərdə "Araz Saatlı"nın qonağı olub. Komandamız bu matçda tək qolla 3 xalı qazanıb. Yeganə qolun müəllifi Elşad Tağıyev olub. Bu qələbədən sonra xallarının sayını 18-ə çatdıran komandamız turnir cədvəlinin üçüncü pilləsində qərarlaşıb.
14:00. “Araz Saatlı” – “Şamaxı” - 0:1
Qol: Elşad Tağıyev, 59-pen.
Qırmızı vərəqə: Samır Alıyev, 58 ("Araz Saatlı")
Saatlı OİK stadionu
"Şamaxı"da yeni məşqçi
Bazar ertəsi, 04 Dekabr 2023 22:50
"Şamaxı"da yeni məşqçi təyinatı reallaşıb.
Elnar Kərimov əsas komandanın qapıçı hazırlığı üzrə məşqçisi təyin edilib. Müqavilənin müddəti cari mövsümün sonuna qədərdir.
U-12 komandamızdan qələbə
Bazar ertəsi, 04 Dekabr 2023 00:50
Aşağı yaş qrupları üzrə ölkə çempionatlarında növbəti turun oyunları keçirib.
Mərkəz regionunda çıxış edən "Şamaxı"nın 1 komandası da Şamaxı şəhər stadionunda növbəti oyunlarına çıxıb. 12 yaşadək futbolçulardan ibarət komandamız U-12 Liqasında Göyçayın "Çinar" komandasını məğlub edib.
Komandamız Azərbaycan kubokunun1/8 finalında
Cümə axşamı, 30 Noyabr 2023 21:53
Bu gün Azərbaycan kubokunda 2-ci təsnifat mərhələsinə yekun vurulub. "Şamaxı" səfərdə "Zaqatala"nın qonağı olub. Komandamız bu matçda 1:0 hesablı qələbə qazanıb. Yeganə qolun müəllifi kapitanımız Emin Zamanov olub. Bu qələbəylə 1/8 final mərhələsinə vəsiqə qazanan komandamız növbəti mərhələdə səfərdə "Səbail"lə qarşılaşacaq. Bu mərhələnin oyunları 19-21 dekabr tarixlərində keçiriləcək.
30 noyabr
13:30. “Zaqatala” – “Şamaxı” - 0:1
Qol: Emin Zamanov, 18
Hakimlər: Fərid Hacıyev, Taleh Məmmədov, Qəzənfər Məmmədov, Mahmud Bağırzadə
Zaqatala OİK stadionu
"Şamaxı"da iki məşqçi
Çərşənbə axşamı, 28 Noyabr 2023 21:48
Xəbər verdiyimiz kimi, İdarə heyətinin qərarı ilə Ramiz Məmmədov komandamızın baş məşqçisi təyin edilib. Artıq Məmmədovun iki köməkçisinin adı da məlum olub. Məqsəd Yaqubəliyev və Mehman Baxışov məşqçilər korpusunda yer alıb.
MƏLUMAT
Bazar ertəsi, 27 Noyabr 2023 23:12
AKADEMİYA: 3 komandamız da qələbə qazandı
Bazar, 26 Noyabr 2023 23:19
Aşağı yaş qrupları üzrə ölkə çempionatlarında növbəti turun oyunları keçirib.
Mərkəz regionunda çıxış edən "Şamaxı"nın 3 komandası da Şamaxı şəhər stadionunda növbəti oyunlarına çıxıb. 11 yaşadək futbolçulardan ibarət komandamız U-11 Liqasında Göyçayın "Çinar" komandasını məğlub edib. U-12 komandamız "Kürdəmir"dən üstün olub.
U-13 Liqasında isə azyaşlılarımız Ucarın "Lokomotiv" komandasını 9:0 hesabı ilə məğlub edib.
3 məşqçi ilə yollar ayrıldı
Bazar, 26 Noyabr 2023 21:45
Xəbər verdiyimiz kimi, baş məşqçimiz Vüqar Əsgərli öz istefası ilə komandadan ayrılıb. Bunun ardından köməkçi məşqçi Zamir Həsənov, analitik Ceyhun Rzayev və qapıçı hazırlığı üzrə məşqçi Şahin Hüseynov da komandadan ayrılmaq istədiyini bildirib. Qarşılıqlı razılaşma əsasında hər 3 məşqçi ilə müqavilələrə xitam verilib.
MƏLUMAT
Şənbə, 25 Noyabr 2023 22:32
"Şamaxı" - "Karvan" 2:4
Şənbə, 25 Noyabr 2023 22:24
I Liqada ilk dövrəyə yekun vurulub.
Komandamız bu turda Şamaxı şəhər stadionunda "Karvan"ı qəbul edib. Qonaqlar ardıcıl iki qol vuraraq oyuna üstün başlayıb, ilk hissənin sonunda komandamız hesab arasındakı fərqi minimuma endirib. İkinci hissəyə sürətli başlayan komandamız hesabı bərabərləşdirib. Matçın 72 və 84-cü dəqiqələrində rəqib daha iki qol vuraraq 4:2 hesabı ilə qalib gəlib.
24 noyabr
1-ci Liqa
9-cu tur
14:00."Şamaxı" - "Karvan" - 2:4
Qollar: Ruslan Süleymanov, 11 (0:1), Əli Abdullayev, 24 (0:2), Emin Zamanov, 45+2-pen. (1:2), Elşad Tağıyev, 47 (2:2), Əli Abullayev, 72-pen. (2:3), Ruslan Voronsov, 84 (2:4)
Baş hakim: Nicat İsmayıllı
Stadion: Şamaxı şəhər stadionu
“Şamaxı” klubuna danışılmış oyunlarla bağlı seminar keçirilib
Cümə, 24 Noyabr 2023 09:35
Şamaxı rayonunda I Liqada mübarizə aparan "Şamaxı” klubunun əsas komandası, U-15 və U-16 komandalarına danışılmış oyunlarla bağlı seminar keçirilib.
UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli “Futbol ictimaiyyəti olaraq danışılmış oyun və ya oyun manipulyasiyası haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib. Seminarda "Danışılmış oyunlar"a qarşı mübarizə mövzusunda əhəmiyyətli məsələlər müzakirə olunub, təcrübə mübadiləsi aparılıb. Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.
3 komandamızdan qələbə
Şənbə, 18 Noyabr 2023 21:03
Aşağı yaş qrupları üzrə ölkə çempionatlarında növbəti turun oyunları keçirib.
Mərkəz regionunda çıxış edən "Şamaxı"nın 3 komandası da növbəti oyunlarına çıxıb. 11 yaşadək futbolçulardan ibarət komandamız U-11 Liqasında "Kürdəmir" komandasını məğlub edib. U-12 komandamız "İsmayıllı"nı məğlub edib.
U-13 Liqasında isə azyaşlılarımız "Kürdəmir"ı 8:0 hesabı ilə məğlub edib.
Komandamız yoxlama oyunu keçirdi
Şənbə, 18 Noyabr 2023 21:02
Milli komandaların oyunları ilə əlaqədər I Liqada yaranmış fasilədə komandamız bu gün “Qaradağ Lökbatan”la yoxlama oyunu keçirib. Qarşılaşma 2:2 hesabı ilə başa çatıb, komandamızın heyətində Emil Qasımov və Salman Ələsgərov fərqlənib.
İrqçiliyə qarşı mübarizə seminarı keçirilib
Şənbə, 18 Noyabr 2023 09:45
Akademiyamızın azyaşlıları ilə irqçiliklə mübarizə ilə bağlı tədbir keçirilib.Tədbirdə iştirakçılara irqçilik nədir?, irqçilyin mənfi cəhətləri və həyatımızda irqçiliyə yol verilməzliyin vacibliyi vurğulanıb. Futbol arenasında ən ağır
cəzaların məhz irqçiliklə bağlı olduğu xatırlanıb. UEFA-nın “no to racism” şüarının öncəliyi də vurğulanıb. Əlavə olaraq azyaşlılara irqçiliklə bağlı videoroliklər izlədilib.
Komandamız yoxlama oyunu keçirəcək
Cümə axşamı, 16 Noyabr 2023 06:45
Milli komandaların oyunları ilə bağlı I Liqada yaranmış fasilədə komandamız yoxlama oyunu keçirəcək. “Şamaxı” noyabrın 17-si, saat 13:00-da “Neftçi Futbol Mərkəzi”ndə “Qaradağ Lökbatan”la qarşılaşacaq.
3 futbolçumuz U-21 millimizdə
Çərşənbə axşamı, 14 Noyabr 2023 21:18
Beynəlxalq yoldaşlıq oyunu çərçivəsində noyabrın 17-də “Dalğa Arena”da Latviya, AÇ seçmə mərhələsi çərçivəsində noyabrın 21-də isə İspaniyanın Mursiya şəhərindəki “Nueva Condomina” stadionunda Ukrayna yığması ilə qarşılaşacaq 21 yaşadək futbolçulardan ibarət Azərbaycan milli komandasının heyəti açıqlanıb. 3 futbolçumuz: Samir Məhərrəmli, Süleyman Damadeyev və Qurban Səfərov siyahıda yer alıb.
Edqar Adilxanov U-19 millimizdə
Şənbə, 11 Noyabr 2023 23:45
Noyabrın 13-dən 22-dək Lüksemburqda təşkil ediləcək Avropa çempionatının seçmə mərhələsində iştirak edəcək 19 yaşadək futbolçulardan ibarət Azərbaycan milli komandasının heyəti açıqlanıb. Komandamızın üzvü Edqar Adilxanov millimizə dəvət alıb.
AKADEMİYA: 2 qələbə, 1 məğlubiyyət
Şənbə, 11 Noyabr 2023 23:41
Aşağı yaş qrupları üzrə ölkə çempionatlarında növbəti turun oyunları keçirib.
Mərkəz regionunda çıxış edən "Şamaxı"nın 3 komandası da növbəti oyunlarına çıxıb. 11 yaşadək futbolçulardan ibarət komandamız U-11 Liqasında "Dəmir Yumruq" komandasını məğlub edib. U-12 komandamız "Çinar Göyçay"a məğlub olub.
U-13 Liqasında isə azyaşlılarımız "Çinar Göyçay"ı 11:0 hesabı ilə məğlub edib.
Zaqatala - Şamaxı 1:1
Şənbə, 11 Noyabr 2023 23:37
I Dİvizionda VIII turun oyunları keçirilib. Komandamız bu turda səfərdə "Zaqatala"nın qonağı olub. Qarşılaşmaya sürətli başlayan "Şamaxı" 14-cü dəqiqəsində Elşad Tağəyevlə hesabı açıb. İlk hissə bu hesabla da başa çatıb. İkinci hissənin əvvəllərində meydan sahibləri hesabı bərabərləşidirib. Matçın qalan dəqiqələrində başqa qol vurulmayıb və qarşılaşma 1:1 hesablı heç-heçə ilə başa çatıb.
14:00. “Zaqatala” – “Şamaxı” - 1:1
Qollar: Elşad Tağıyev, 14 (0:1), Bəhruz Teymurov, 57 (1:1)
Zaqatala OİK stadionu
AKADEMİYA: Hər üç komandamızdan qələbə
Bazar ertəsi, 06 Noyabr 2023 22:24
Aşağı yaş qrupları üzrə ölkə çempionatlarında növbəti turun oyunları keçirib.
Mərkəz regionunda çıxış edən "Şamaxı"nın 3 komandası da növbəti oyunlarına çıxıb. 11 yaşadək futbolçulardan ibarət komandamız U-11 Liqasında İsmayıllının eyniadlı komandasını məğlub edib. U-12 komandamız "Kürdəmir"dən üstün olub.
U-13 Liqasında isə azyaşlılarımız "İsmayıllı"nı 13:0 hesabı ilə məğlub edib.
