"Şamaxı" Azərbaycan kubokunun II təsnifat mərhələsində "Şəmkir"i 6:1 hesabı ilə məğlub edərək 1/8 final mərhələsinə vəsiqə qazanıb. Komandamız bu mərhələdə "Zirə" ilə qarşılaşacaq. Tək oyundan ibarət bu mərhələnin oyunları 3/4 dekabr tarixlərində keçiriləcək və qarşılaşma səfərdə baş tutacaq.

Misli Premyer Liqasında XI turun oyunları keçirilib. Turun son matçında "Şamaxı" Tofiq Bəhramov adına Respublika stadionunda "Qarabağ"ın qonağı olub. Qarşılaşma meydan sahiblərinin 3:0 hesablı qələbəsi ilə başa çatıb.

27 oktyabr

19:00. “Qarabağ” – “Şamaxı” - 3:0 

Qollar: Toral Bayramov, 50 - pen; Redon Cica, 66, Yassin Benzia, 84

Hakimlər: Cavid Cəlilov, Namik Hüseynov, Müslüm Əliyev, Nicat İsmayıllı

Ötən həftə Şamaxı Futbol Akademiyasında komandalarımızın qeydə alınan nəticələrini təqdim edirik:

U-10 Liqası

Lokomotiv (Ucar) - “Şamaxı”

Rəqib oyuna gəlməyib

U-15 Liqası

Şamaxı - Sabah 0:4

U-16 Liqası

Qarabağ - Şamaxı 20:0

U-17 Liqası

Sabah - Şamaxı 19:0

Gənclər Liqası

Şamaxı - Sumqayıt 0:2

Misli Premyer Liqasında 10-cu turun oyunları keçirilib.

Günün ilk oyununda “Şamaxı” Şamaxı şəhər stadionunda “Araz Naxçıvan”ı qəbul edib. Matç Naxçıvan təmsilçisinin 1:0 hesablı qələbəsi ilə bitib. 

Xatırladaq ki, “Şamaxı” turnir cədvəlində 12 xalla 6-cıdır. 

Misli Premyer Liqası

10-cu tur

19 oktyabr (şənbə)

15:30. “Şamaxı” - “Araz-Naxçıvan” - 0:1

Qol: Felipe Santos, 72
Hakimlər: Fərid Hacıyev, Kamran Bayramov, Teymur Teymurov, Kamran Əliyev
VAR: Nicat İsmayıllı 
Şamaxı şəhər stadionu

Azərbaycan kubokunda II təsnifat mərhələsindən mübarizəyə başlayacaq “Şamaxı”nın rəqibi məlum olub. Komandamız bu mərhələdə Şamaxı şəhər stadionunda “Şəmkir”i qəbul edəcək. Bu mərhələnin oyunları 29/30 oktyabr tarixlərində keçiriləcək.

21 yaşadək futbolçulardan ibarət Azərbaycan milli komandasının Avropa çempionatının seçmə mərhələsi çərçivəsində Şimali İrlandiya və İngiltərə yığmalarına qarşı keçiriləcək səfər oyunlarının heyəti müəyyənləşib. "Şamaxı"nın 3 futbolçusu: Rauf Rüstəmli, Rüfət Abbasov və Qurban Səfərov millimizə dəvət alıb. 

U-21 yığması oktyabrın 12-də, Bakı vaxtı ilə saat 18:00-da Belfastda Şimali İrlandiya, oktyabrın 15-də, saat 22:30-da isə Bristolda İngiltərə seçməsi ilə qarşılaşacaq.

Misli Premyer Liqasında IX turun oyunları keçirilib. İlk dövrənin son turunda “Şamaxı” səfərdə “Səbail”in qonağı olub. Komandamız rəqibinə 0:2 hesabı ilə məğlub olub. İlk dövrədən sonra komandamız 12 xalla turnir cədvəlinin 6-cı sırasında qərarlaşıb.

Əvəzedicilər Liqasına VIII turun oyunları keçirilib. “Şamaxı-2” Şamaxı şəhər stadionunda "Turan Tovuz-2"ni qəbul edib. Qarşılaşma rəqibin 3:1 hesablı qələbəsi ilə başa çatıb. Əvəzedicilərimizin heyətində Rauf Rüstəmli fərqlənib.

Misli Premyer Liqasında VIII turun oyunları keçirilib. "Şamaxı" bu turda doğma stadionda "Turan Tovuz"u qəbul edib. Oyuna qonaqlar sürətli başlayıb və matçın 5-ci dəqiqəsində hesabı açıb. İlk hissədə başqa qol vurulmayıb və qonaqlar fasiləyə 1:0 hesablı qələbə ilə yollanıb. İkinci hissəyə komandamız qolla başlayıb. 48-ci dəqiqədə Brahim Konatenin cinahdan ötürməsini Belajdi Pusi tək toxunuşla tamamlayıb. Matçın 90-cı dəqiqəsində komandamız hesabı 2:1 öz xeyrinə dəyişib. Emin Zamanovun cərimə zərbəsindən ötürməsini Arsen Ağcabəyov başla tamamlayıb. Oyunun son saniyələrində rəqib penalti zərbəsindən hesabı bərabərləşdirib və qarşılaşma 2:2 hesabı ilə başa çatıb.

U-15 Liqasının təxirəsalınmış oyununda “Şamaxı” “Qarabağ”ı qəbul edib. Azyaşlılarımız rəqibinə 0:8 hesabı ilə məğlub olub.