“Şamaxı” qış təlim-məşq toplanışını bu gün keçirdiyi yoxlama matçı ilə yekunlaşdırıb.

Komandamız Şamaxı şəhər stadionunda “Karvan”ı qəbul edib və 2:0 hesablı qələbə qazanıb. Hər iki qolun müəllifi Salman Ələsgərov olub. 

Komandamız iki günlük istirahətin ardından I Liqanın XIII turunda qarşılaşacağı “Mingəçevir”lə oyunun hazırlıqlarına start verəcək.

Komandamız qış təlim-məşq toplanışını davam etdirir.

“Şamaxı” bu gün təlim-məşq toplanışı zamanı ikinci yoxlama oyununu keçirib. I Liqa təmsilçisi “Araz Saatlı” ilə qarşılaşan komandamız 3:1 hesabı ilə qalib gəlib. Komandamızın heyətində Bəhruz Teymurov, Roman Hüseynov və Emin Zamanov fərqlənib.

Xatırladaq ki, komandamız ilk yoxlama oyununda II Liqa təmsilçisi “Füzuli”ni 5:0 hesabı ilə məğlub etmişdi.

Komandamız qış təlim-məşq toplanışını davam etdirir.

“Şamaxı” bu gün təlim-məşq toplanışı zamanı ilk yoxlama oyununu keçirib. II Liqa təmsilçisi “Füzuli” ilə qarşılaşan komandamız 5:0 hesabı ilə qalib gəlib. Komandamızın heyətində Ramin Əhmədov, Elşad Tağıyev, Emin Zamanov, Elçin Qasımov və yeni transferimiz Roman Hüseynov fərqlənib.

Düz 34 il öncə - 1990-cı il yanvarın 19-dan 20-nə keçən gecə Sovet ordusu imperiyanın qərəzli siyasətinə etiraz edən, azadlıq uğrunda ayağa qalxmış xalqımıza qarşı qətliam törətdi.

Bu faciə zamanı canından keçənləri ehtiramla anırıq!

“Şamaxı” mövsümün ikinci yarısı üçan heyətini gücləndirmək üçün çalışmalarını davam etdirir.

Komandamız növbəti transferini reallaşdırıb. Hücumçu Bəhruz Teymurov mövsümün sonuna qədər komandamızda çıxış edəcək.

Xatırladaq ki, daha öncə Roman Hüseynov heyətimizə qatılıb.

Bu gün planlanan “Araz Saatlı” ilə yoxlama oyunu hava şəraiti ilə əlaqədar hər iki tərəfin razılığı ilə ləğv olunub.

Komandamız daha 2 futbolçu ilə yollarını ayırıb. Hücumçular Emil Qasımov və Rövşən Şahmuradovla müqaviləyə qarşılıqlı razılaşma əsasında xitam verilib. Hər iki futbolçuya təşəkkür edir, gələcək karyeralarında uğurlar arzulayırıq.

Xatırladaq ki, komandamız daha öncə Elçin Rəhimli, Samir Ağayev və Xəyyam Hüseynovla yollarını ayırmışdı.

Komandamız daha 2 futbolçu ilə yollarını ayırıb. Müdafiəçi Xəyyam Hüseynov və yarımmüdafiəçi Samir Ağayevlə müqaviləyə qarşılıqlı razılaşma əsasında xitam verilib. Hər iki futbolçuya təşəkkür edir, gələcək karyeralarında uğurlar arzulayırıq.

Xatırladaq ki, komandamız daha öncə Elçin Rəhimli ilə yollarını ayırmışdı.

Komandamız mövsümün ikinci yarısının hazırlıqlarına yanvarın 10-da Şamaxıda start verəcək. Komandamızın toplanışı zamanı keçirəcəyi ilk yoxlama oyunun vaxtı da məlum olub. Yanvarın 14-ü, saat 14:00-da “Şamaxı” Saatlı Olimpiya İdman Kompleksinin stadionunda “Araz Saatlı” ilə qarşılaşacaq.

Azərbaycan Respublikasının Prezidenti cənab İlham Əliyev bu gün bir qrup vəkilin “Tərəqqi” medalı ilə təltif edilməsi haqqında sərəncam imzalayıb.

Təltif edilənlər arasında “Şamaxı” Futbol Klubunun İdarə heyətinin sədri Elçin Usub da yer alıb.

https://president.az/az/articles/view/62893