Əvəzedicilərimiz məğlub oldu
Bazar, 01 Sentyabr 2024 18:22
Əvəzedicilər Liqasında V turun oyunları keçirilib. “Şamaxı-2” səfərdə “Neftçi-2”nin qonağı olub və rəqibinə 0:4 hesabı ilə məğlub olub.
“Şamaxı” - “Neftçi” 0:0
Bazar, 01 Sentyabr 2024 00:07
Misli Premyer Liqasında V turun oyunları keçirilir. “Şamaxı” doğma stadionunda “Neftçi”ni qəbul edib. Qarşılaşma 0:0 hesabı ilə başa çatıb.
Komandamız bu heç-heçə ilə xallarının sayını 5-ə çatdıraraq turnir cədvəlində yeddinci pillədə qərarlaşıb.
U-15 komandamızdan qələbə
Cümə, 30 Avqust 2024 12:33
Akademiyamızda iki komanda növbəti oyununa çıxıb. U-15 komandamız doğma meydanda “Dinamo”nu 3:0 hesabı ilə məğlub edib. U-16 komandamız səfərdə “Sabah”a 1:13 hesabı ilə məğlub olub.
Əvəzedicilərimizdən heç-heçə
Çərşənbə axşamı, 27 Avqust 2024 02:53
Əvəzedicilər Liqasında IV tura yekun vurulub. “Şamaxı-2” Şamaxı şəhər stadionunda “Zirə-2”ni qəbul edib. Qarşılaşma qolsuz heç-heçə ilə başa çatıb 0:0.
Akakdemiya: Həftənin nəticələri
Bazar, 25 Avqust 2024 22:31
Geridə qalan həftədə akadmeiyamızda 3 komanda yeni mövsümdə ilk matçlarına çıxıb.
U-16 komandamız Şamaxı şəhər stadionunda "Mübariz FA" komandasına 1:2 hesabı ilə məğlub olub. U-17 komandamız səfərdə "Zirə"yə 0:24 hesabı ilə məğlub olub. U-19 komandamız da Gənclər Liqasının ilk turunda "Araz Naxçıvan"a 1:3 hesabı ilə məğlub olub.
"Zirə" - "Şamaxı" 0:1
Bazar, 25 Avqust 2024 22:29
Bu gün Misli Premyer Liqasında 4-cü tura yekun vurulub.
Turun son matçında "Şamaxı" səfərdə "Zirə" ilə qarşılaşıb. Oyun komandamızın 1:0 hesablı qələbəsii ilə başa çatıb. Qarşılaşmada yeganə qolu hücumçumuz Leroy Mikels vurub.
20:30. “Zirə” – “Şamaxı” - 0:1
Qol: Leroy Mikels, 16
Hakimlər: Kamal Umudlu, Vüsal Məmmədov, Zöhrab Abbasov, Rəşad Əhmədov
Zirə İK stadionu.`
Əvəzedicilərimizdən heç-heçə
Şənbə, 17 Avqust 2024 16:32
Əvəzedicilər Liqasında III turun oyunları keçirilib. “Şamaxı-2” doğma meydanda “Qarabağ-2” ilə 1:1 hesablı heç-heçə edib. Komandamızın heyətində Səbayıl Bağırov fərqlənib.
“Şamaxı” “Zaqatala”nı məğlub etdi
Şənbə, 17 Avqust 2024 15:58
“Şamaxı” bu gün yoxlama oyununda “Zaqatala”nı 5:0 hesabı ilə məğlub edib. Komandamızın heyətində Belajdi Pusi (2), Brahim Konate (2) və Conatan Benteke fərqlənib.
Komandamız yoxlama oyunu keçirəcək
Çərşənbə, 14 Avqust 2024 13:29
“Şamaxı” yoxlama oyunu keçirəcək. Komandamız avqustun 16-sı, saat 17:30-da Şamaxı şəhər stadionunda I Liqa təmsilçisi “Zaqatala” ilə qarşılaşacaq.
Məlumat
Çərşənbə, 14 Avqust 2024 12:59
Ölkəmizi Çempionlar Liqasının pley-off mərhələsində təmsil edəcək “Qarabağ” Futbol Klubu Peşəkar Futbol Liqasına rəsmi müraciət edib. Klub qitənin 1 nömrəli klub turnirinin pley-off mərhələsinə daha yaxşı hazırlaşmaq məqsədilə Misli Premyer Liqasının 3-cü turu çərçivəsində keçiriləcək “Şamaxı” ilə səfər oyununun təxirə salınmasını istəyib. “Qarabağ” klubunun müraciətini, “Şamaxı” klubunun razılığını, Azərbaycan futbolunun ümumi mənafeyini nəzərə alan Peşəkar Futbol Liqası 2024/25-ci illər Futbol mövsümünün Əsasnaməsinin 6-cı maddəsinin 1-ci bəndini (pley-off mərhələsinə yüksələn komandanın 1 oyunun təxirə salınması ilə bağlı müraciətini) rəhbər tutaraq 3-cü turun “Şamaxı” - “Qarabağ” oyununun təxirə salınması ilə bağlı qərar qəbul edib. Təxirə salınmış oyunun tarixi ilə bağlı əlavə məlumat veriləcək.
Xoş gəldin, Leroy Mikels !
Çərşənbə, 14 Avqust 2024 10:52
“Şamaxı” növbəti transferini reallaşdırıb.
Komandamız almaniyalı hücumçu Leroy Mikelsi heyətinə qatıb. 29 yaşlı futbolçu ilə bir illik müqavilə imzalanıb.
Mikelsin son klubu Səudiyyə Ərəbistanın “Əl Taraji” klubu olub.
Əvəzedicilərimiz məğlub oldu
Bazar, 11 Avqust 2024 19:46
Əvəzedicilər Liqasında cari mövsümün II turun oyunları keçirilib. “Şamaxı-2” səfərdə “Araz-Naxçıvan-2”nin qonağı olub. Komandamız rəqibinə 1:2 hesbaı ilə məğlub olub, yeganə qolu Elşad Tağıyev vurub.
Ayxan Abbasov: “Komandama tam olaraq inanıram”
Bazar, 11 Avqust 2024 19:39
Komandamızın baş məşqçisi Ayxan Abbasov Premyer Liqanın II turunda baş tutan “Araz Naxçıvan” - “Şamaxı” oyunsonrası mətbuat konfransında oyun haqda fikirlərini bildirib:
“Bizim üçün uğursuz bir nəticə oldu. Hesabı bərabərləşdirmək üçün imkanlarımız olsa da, istifadə edə bilmədik. İndi çempionatın əvvəlidir, oyundan-oyuna daha da yaxşı olacağıq. Top buraxdıqdan sonra komandamın verdiyi reaksiyadan razı qaldım. Bəzi futbolçular bizim çempionat üçün hələ yenidir. Mən qarşımıza qoyulan məqsədə çatacağımıza əminəm. Komandama tam olaraq inanıram“.
“Araz-Naxçıvan” - “Şamaxı” 1:0
Bazar, 11 Avqust 2024 19:32
Premyer Liqanın II turunda “Şamaxı” səfərdə “Araz-Naxçıvan”ın qonağı olub. “Liv Bona Dea Arena”da baş tutan qarşılaşmada komandamız rəqibinə 0:1 hesabı ilə məğlub olub.
Azərbaycan Premyer Liqası
II tur
10 avqust
18:45 "Araz-Naxçıvan" - "Şamaxı" 1:0
Qol: Ramon Maçado, 59
Baş hakim: Fərid Hacıyev
“Liv Bona Dea Arena
"Şamaxı” Futbol Klubu və “Medsun Klinika” arasında əməkdaşlıq müqaviləsi imzalanıb.
Şənbə, 10 Avqust 2024 09:01
Əvəzedicilərimiz heç-heçə ilə başladı
Cümə axşamı, 08 Avqust 2024 09:20
Əvəzedici komandaların çempionatında yeni mövsüm start götürüb. “Şamaxı-2” komandası ilk turda “Sabah-2”ni qəbul edib. Qarşılaşma 1:1 hesabı ilə başa çatıb, komandamızın heyətində Elşad Tağıyev fərqlənib.
Təşəkkürlər, Abbas Ağazadə !
Çərşənbə axşamı, 06 Avqust 2024 18:55
“Şamaxı” daha bir futbolçusu ilə yollarını ayırıb. Yarımmüdafiəçi Abbas Ağazadə ilə müqaviləyə qarşılıqlı razılaşma əsasında xitam verilib.
Abbas Ağazadəyə göstərdiyi xidmətlərə görə təşəkkür edir, gələcək karyerasında uğurlar arzulayırıq.
“Şamaxı” Premyer Liqaya xalla qayıtdı
Çərşənbə axşamı, 06 Avqust 2024 18:47
Premyer Liqanın 2024-25-ci illər mövsümünün ilk turunda “Şamaxı” səfərdə “Sabah”ın qonağı olub. Oyuna sürətli başlayan meydan sahibləri ardıcıl ikinci dəfə fərqlənib. İlk hissənin sonuncu dəqiqələrində komandamız Rüfət Abbasovla hesab arasındakı fərqi minimuma endirib. İkinci hissənin əvvəlində hücumçumuz Belajdi Pusi hesabı bərabərləşdirib. Qalan dəqiqələrdə başqa qol vurulmayıb və qarşılaşma 2:2 hesabı ilə başa çatıb.
Azərbaycan Premyer Liqası
1-ci tur
4 avqust
“Sabah” – “Şamaxı” 2:2
Qollar: Namik Ələskərov, 16. Xəyal Əliyev, 37 – Rüfət Abbasov, 44. Belayi Pusi, 52.
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev.
Bakiç “Şamaxı”da !
Şənbə, 27 İyul 2024 14:12
“Şamaxı” heyətini formalaşdırmaq üçün çalışmalarını davam etdirir.
Komandamız serbiyalı müdafiəçi Vasiliye Bakiçi heyətinə qatıb. 24 yaşlı mərkəz müdafiəçisi ilə bir illik müqavilə imzalanıb.
Bakiçin son klubu Serbiyanın “Radniçki” olub.
“Şamaxı” - “Əl-Yarmuk” 2:0
Şənbə, 27 İyul 2024 14:10
“Şamaxı” yay təlim-məşq toplanışında növbəti yoxlama oyununu keçirib.
Küveytin “Əl-Yarmuk” klubu ilə qarşılaşan komandamız 2:0 hesabı ilə qalib gəlib. Komandamızın heyətində Conatan Benteke dublla yadda qalıb.
