“Şamaxı” qış təlim-məşq toplanışı zamanı daha bir yoxlama oyunu keçirəcək. Komandamız yanvarın 21-i, saat 14:00-da Şamaxı şəhər stadionunda II Liqa təmsilçisi “Füzuli” ilə qarşılaşacaq.

Xatırladaq ki, komandamız ilk yoxlama oyununda yanvarın 14-ü, Saatlıda “Araz Saatlı” ilə üz-üzə gələcək.

Komandamızda ilk ayrılıq baş tutub. Futbolçumuz Elçin Rəhimli ilə müqaviləyə qarşılıqlı razılaşma əsasında xitam verilib.

Futbolçuya göstərdiyi xidmətlərə görə təşəkkür edir, gələcək karyerasında uğurlar arzulayırıq.

I Liqada XII turun oyunları keçirilib. İlin son turunda komandamız doğma meydanda MOİK-i qəbul edib. Oyuna sürətli başlayan komandamız 7-ci dəqiqədə kapitan Emin Zamanovla hesabı açıb. Matçın 54-cü dəqiqəsində isə hücumçumuz Elşad Tağıyev rəqib qapısından ikinci topu keçirib. Qarşılaşma 2:0 “Şamaxı”nın xeyrinə başa çatıb. Bu qələbədən sonra xallarının sayını 22-yə çatdıran komandamız qış fasiləsinə ikinci pillədə yollanıb. 

14:00. “Şamaxı” – MOİK - 2:0
Qollar: Emin Zamanov. 7-pen. Elşad Tağıyev, 73
Şamaxı şəhər stadionu

Aşağı yaş qrupları üzrə ölkə çempionatlarında növbəti turun oyunları keçirib.

Mərkəz regionunda çıxış edən "Şamaxı"nın 2 komandası da Şamaxı şəhər stadionunda növbəti oyunlarına çıxıb. 11 yaşadək futbolçulardan ibarət komandamız U-11 Liqasında “İsmayıllı” komandasını məğlub edib. U-13 Liqasında da komandamız “İsmayıllı”nı 10:0 hesabı iıə məğlub edib. 

Azərbaycan I Liqasında 11-ci tura yekun vurulub.

 "Şamaxı" doğma meydanda "İmişli"ni qəbul edib. Bölgə təmsilçilərinin dueli qolsuz bərabərliklə başa çatıb.

11 turdan sonra hər iki komanda 19 xal toplayıb və turnir cədvəlinin 3-4-cü yerlərini bölüşürlər.

"Şamaxı" - "İmişli" 0:0

I Liqada X turun oyunlarına yekun vurulub. Bu turda "Şamaxı" səfərdə "Araz Saatlı"nın qonağı olub. Komandamız bu matçda tək qolla 3 xalı qazanıb. Yeganə qolun müəllifi Elşad Tağıyev olub. Bu qələbədən sonra xallarının sayını 18-ə çatdıran komandamız turnir cədvəlinin üçüncü pilləsində qərarlaşıb.

14:00. “Araz Saatlı” – “Şamaxı” - 0:1
Qol: Elşad Tağıyev, 59-pen.
Qırmızı vərəqə: Samır Alıyev, 58 ("Araz Saatlı")
Saatlı OİK stadionu

Aşağı yaş qrupları üzrə ölkə çempionatlarında növbəti turun oyunları keçirib.

Mərkəz regionunda çıxış edən "Şamaxı"nın 1 komandası da Şamaxı şəhər stadionunda növbəti oyunlarına çıxıb. 12 yaşadək futbolçulardan ibarət komandamız U-12 Liqasında Göyçayın "Çinar" komandasını məğlub edib.

Xəbər verdiyimiz kimi, İdarə heyətinin qərarı ilə Ramiz Məmmədov komandamızın baş məşqçisi təyin edilib. Artıq Məmmədovun iki köməkçisinin adı da məlum olub. Məqsəd Yaqubəliyev və Mehman Baxışov məşqçilər korpusunda yer alıb.